XX. mendeko Euskararen Corpus estatistikoa

Testuingurua

- Espainian 1978an Instituto Nacional de Estadistica-k egindako Encuesta sobre los hábitos de lectura delakoaren arabera:

20-29 urtekoen artean % 63ak irakurtzen du

30-49 " " % 47ak""

50-69 " " % 41ak""

70-79 " " % 34ak""

- Frantzian 1982an Ministère de Culture-k egindako inkestaren arabera: 15-24 urtekoen artean % 91,1ak irakurtzen du

Honekin batera, adin horretako ikasleen irakurketa-ohiturei buruzko inkesta batek eduki dezakeen garrantzia frogatzeko, gogora dezagun gure artean talde horrek populazio osoan duen pisu nabarmena.

Batetik, EUSTATek 1986ko Erroldatik ateratako datuen arabera, Euskal Autonomi Elkartean 513.824 euskaldun badaude (populazio osoaren %24,58a), badirudi Literatura irakur dezakeen kolektibo horretatik %65-70a Irakaskuntza Ertainetako eta Unibertsitateko ikasleak direla.

Orobat Nafarroako datuei dagokienean: probintzia honetan euskaldunen kopurua 36.388koa bada (populazio osoaren %10a), hortik %34,9a Irakaskuntza Ertainetako eta Unibertsitateko ikaslegoak osatzen du.3 Ikus datu hauei buruz Jakin aldizkariaren Euskara Nafarroan ale monografikoa. (56.zb. 1990eko urtarrila-otsaila).

Bestetik, urtero Jakin-en gure liburu produkzioari buruz datu eta iruzkinak eskeintzen dizkigun Joan Mari Torrealdaik dioskuna gogoratuz, euskal liburu produkzioaren portzentaia handi bat gazte jendearentzat egindako liburuak osatzen du.4 Esate baterako, 1989an 732 titulu atera baziren, hauetatik %49,5a gazte jendearentzat egindako liburua zen. 1991ean 966 titulu berrietatik %37,4a haur eta gazte-literaturak osatzen zuen.

Bukatzeko, esan dezagun gazte eskolatu talde honek eduki dezakeen interesaz gain, bazegoela aukeraketa horren atzean arrazoi praktiko bat: inkestak egingarria izan behar zuen, talde zehatz bati zuzendua, eta burutzen erraza.

Horregatik Ertainetako ikaslego euskalduna aukeratu genuen, projektuak interesgarria ezezik egin zitekeena zirudielako.

D) Inkestaren deskribapen teknikoa

Irakurketa Ohiturei Buruzko Inkesta deitu genion honen helburua ertainetako euskal ikaslegoaren literatur gustuak eta irakurketa ohiturak argitzea zelarik, azterkizun zena ezagutzen zuen norbait eta, bestalde, ikerketa nola burutu zekiena behar genituen.

Hori horrela izanik, ikerketa honek bi egile ditu atzean.

Batetik, behean sinatzen dudan hau, Ertainetako Euskal Hizkuntza eta Literatura irakaslea eta, bestetik horrelako ikerketa motetan aditua den Luciano Miguel soziologoa.

Madrilgo Intergallup Soziologia Ikerketa Agentzian ikerketa-teknikari lanetan ziharduen eta bion artean erabaki genuen zein motatako galderak egin eta nola aukeratu inkestatuak.

Honekin batera, inkestaren datu guztiak lortu genituenean Madrilgo SIC (Servicios Informáticos Centrales) entrepresari agindu genion inkesten informatizazioa.